Aydin Orak lîstikvan, derhêner û wergêrê şanoyê ye. Di sala 1982'an de li Nisêbînê hatiye dinyayê. Zanîngeha Bîlgî a Stenbolê Beşa Şanoyê terikandiye. Rojnivîska Dînekî, Nora/Nûrê, Teneke û Theodora wergerandiye kurdî. Derhêneriya Araf/Di Navbera Du Welatan De, Mirina Zimanekî û Deq kiriye. Di lîstika Prometheusê Zincîrkirî, Girav, Rojnivîska Dînekî, Tu Ne Gara Yî, Araf/Di Navbera Du Welatan De, Mirina Zimanekî, Nora/Nûrê û Daf de lîstiye. Derhêneriya belgefilma Bêrîvan û Cewher/Dînên Shakespeare, Rengî Mirinê kiriye. Û di hin filmên sînemayê de rol girtiye. Pirtûka wî a bi navê Hestên Veşartî di sala 2005'an de hat weşandin. Pirtûka wî a dawî Şanoya Radîkal di sala 2012'an de hat weşandin. Bi tevahî çar pirtûkên Orak hatine weşandin.